 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Як толькі скончыцца вайна
Я да цябе ізноў вярнуся.
Ці ў гэтым ёсьць мая віна,
Што я цяпер не ў Беларусі?
Цябе няма... I мне шкада –
Ня бачу радаснай усьмешкі.
Прыйшла раптоўная бяда
I жвірам жорсткім сыпле сьцежкі.
Няхай сутоньне ў вочы б'е,
Аб сьветлым марыць не пакіну.
Кахаю шчыра я цябе,
Як нашу родную краіну.
Здаецца часам, уначы
Мяне знаёмы голас кліча,
Каб смутак свой перамагчы,
Шукаю блізкага аблічча.
Я пазнаю тваю сястру
Сярод людзей чужога краю,
I ў сэрцы боль журбой гастру –
Цябе й Радзіму ўспамінаю.
30.XI.1944.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
